معجزة رائعة

كان في حفلة اعياد ميلاد الاولاد عندي وكانت الامهات كتير ففي ام منهم كانت عاوزة تحضر معانا الحفلة فكانت شايله بنت لسه صغيرة يعني تقريبا كان البنت عندها سنتين وكانت عاوزة تحضر الحفلة واحنا طبعا مبندخلش اطفال صغيرة الفصل رحت الام ديه كانت مع ستات كتير تحت المبني اللي بنعمل فيه مدارس الاحد راحت الام ده سابت البنت مع واحدة منهم وطلعت عندنا ومتاخرتش عندنا لكن المفاجاة انها لما نزلت ملقيتش البنت ولا الست اللي اخديت البنت وقعدت تدور عليها لكن بدون فايدة وفضلت تعيط وراحت القسم وأتهمت الكنيسة والخدام بضياع البنت وحصل تفتيش للكنيسة وتحقيق مع الخدام وكانت كل الكنيسة في رعب البوليس كل شويه يجي الكنيسة ويفتش غير البهدلة اللي كانت بتحصل للخدام
ومع التحقيق عرفنا ان البنت اتخطفت لكن منعرفش الست دي مسيحيه ولا غير مسيحيه المهم انها خطفت البنت وكان لازم نلاقيها باي شكل لان الكنيسة كانت متهمه بضياع البنت راح سيدنا الانبا مكسيموس بلغ البابا شنودة والبابا شنودة طلب منه انه يجتمع مع الشعب ويبلغهم بالصوم لمدة ثلاث ايام وبعد ثلاث ايام حصلت المعجزة والبابا شنودة اتصال بسيدنا وقله البنت عندي في الكاتدرائيه وتعالوا خذوها
طبعا كلكم عاوزين تعرفوا البنت رجعت ازاي
الست اللي خطفيت البنت كانت مسيحيه يعني مننا وده كان صعب علينا جدا ان واحدة مننا هي اللي تعمل كده المهم وكانت الست دى بقالها كتير مواظبه علي الاجتماعات بتاعت الكنيسة خصوصا اجتماع السيدات لكي تطمئن لها السيدات وميشكوش فيها وتعرف تاخد منهم اي طفل علشان هي مكنتش بتخلف المهم
راحت خطفت البنت .. والست دى مكنتش من السلام اساسا بس مش فاكرة بالظبط هي منين بس كانت منطقة بعيدة عننا خالص
واللي حصل معاها كالاتي وهي قعدة في البيت بتعاها راح خبط عليها ظابط ففتحت الباب والحوار دار بينهم

الظابط : صباح الخير .. مين البنت اللي انتي مسكاها دى
الست : صباح النور...البنت دي بنتي وانت بتسال ليه
الظابط : لا البنت ده مش بنتك دى بنت فلانة الفلانيه وانت واخداها من مدينه السلام من الكنيسة وهما دلوقتي بيدوروا عليها
الست : صدقني انا حزينه جدا اني عملت كده بس انا كان نفسي في طفل اربيه
الظابط : المهم تعالي معايا دلوقتي
الست : هتوديني فين هتسلمني للبوليس
الظابط :لا في حاجة لازم تعمليها قبل متروحي للبوليس
الست : هنروح فين ولازم اعمل ايه
الظابط :لازم تروحي لاب اعترافك وهو هيتصرف
وبعد كده اخذها الظابط ووداها لاب اعترفها دون ان يسالها عن الطريق وراحت الست لاب اعترافها وحكتلة كل حاجة وان اللي جبها واقف برة لكن طبعا راحوا يدوروا علي الظابط ملقهوش راح ابونا اخد الست للبابا شنوده لانه مكنش يعرف الكنيسة بتعتنا ولا اي حاجة عن الموضوع
وراحوا للبابا شنودة وحكوا له كل اللي حصل راح البابا قال لها يابنتي الظابط ده مارمينا وانتي خطفتي البنت من كنيسته وهو مش ممكن يسيب كنسته
راح البابا اتصل بسيدنا الانبا مكسيموس وقاله البنت رجعت طمئن الشعب
لكن كان لازم نسلم الست دى لان البوليس مكنش هيسيب فرصة زي دى علي الكنيسة ويقعد يجي كل شويه والكنيسة مش هتبقي كده في امان

بركة الشهيد مارمينا شفيع كينستنا وامنا العذراء مريم تكون معانا آمين