علمينى ياعدرا انى

عمرى ما أسأل ليه يارب؟! 
وارضي باللي يجيبه ليا
واقبله .. وبكل حب
مش كفايه انه افتكرني ؟!
هو مين أصلآ يطول
حتي لو كان اللي عايزه
حاجه أكبر م العقول
زي ما انتي بقيتي حامل
حتي رغم انك بتول
واحتملتي كلام بيوجع
واتهامهم ف العيون
وانتي أشرف من جميعهم
وانتي أطهر ما يكون
والكلام منهم أساسآ
كان كلام ملهوش أساس
علميني متكسرش ..
حتي لو جرحوني ناس
علميني يا عدرا اني ..
أعرف ان الله كبير
مهما راحت مني حاجه
اللي عنده أكتر كتير
كل حاجه عملها ليا
كان قاصدلي فيها خير