الطفل المخترع

طفل صغير اخترع جهاز ابهر كل مدرسينه فكرموه في
المدرسة ودار الحوار ده
مدرس -:مين ساعدك في اﻻختراع
الطفل -:بابايسوع
المدرس -: اكيد هو اداك النجاح لكن انا قصدي مين كان
بيركبلك شي او بيعملك شي انت مش قادر عليه
الطفل -: انا بابا متوفي وماما مش بتقدر تساعدني ﻻنها
تعبانه وهي قالت لي لما بابا مات ان بابا يسوع اتبناني
وبقي بابا ومن ساعتها انا بعتمد عليه وهو اللي ساعدني
المدرس -: ساعدك ازاي يعني ..؟
الطفل -: هو بيسمع انا عايز اعمل ايه وهو كان بيقولي
ده ممكن تعملها كده وده ممكن تركبها بالشكل ده
المدرس -: كان بيرد عليك ازاي يعني ...؟
الطفل -: انا كنت بقف اصلي واكلمه ومغمض عنيا وهو
بيرد جوايا
المدرس -:ازاي يعني بتتخيل قصدك ... ؟
الطفل -:قاله ممكن يامستر تغمض عنيك؟وانا كمان هغمض
المدرس -:حاضر ياسيدي
الطفل -: بابا يسوع ممكن ترد علي اسئلة المستر ﻻني
مش عارف افهمه
وابتسم الطفل وقاله شكرا يارب وفتح عينه ولقي
المدرس بيبكي بحرقه وهو بيقول قدام المدرسة كلها انا
ليا سنين طويله مش بصلي وعملت كده وانا بسخر من
الطفل لكن كلماته البسيطه حركت شي جوايا واتغيرت
حياة المدرس وبقي هو كمان بيكلم بابا يسوع وبيرد عليه
(خد معاك يسوع )
فى الصباح قبل خروجك من المنزل تعلم ان تأخذ معك :
1 - قلب يسوع : لتسلك فى المحبة مع الجميع
2 - وجه يسوع : لينير لك الطريق
3 - يد يسوع : لتعينك و تعضدك فى صعوبات الحياة