الحياه مؤلمة وغامضه مثال حياة ايوب اياك تكون فاكر ان الحوار اللي دار بين الله والشيطان ده كان قدام ايوب ده كان في "الكواليس" ايوب ماكنش دريان بيه ولا عارف ايه اللي بيجري له ليه ولا مين بيلطش فيه يعني الراجل مات عياله وخسر كل شي وجاله مرض شديد وكل ده وهو مش فاهم ايه ده بيحصل فيا ليه كده ده شي مش مفهوم بالنسبه له الراجل بيطلتش وبيتبهدل وهو مش عارف ولا فاهم شي هو بيتألم بدون سبب قعد مع اصحابه يدور علي سبب للي بيحصل اصل الراجل ورم من كتر اللي شافه لقي اصحابه جاين يجاملوا ربنا علي حسابه وفي النهايه خالص خالص يدخل الله في المشهد وكمان مش بيشرحه ولا بيفهمه ايه اللي حصل لكن التدخل انه بيشيل الالم وعوضه عن اللي جرا وكان في بركة في الكواليس الشيطان موجود لكن قدام ايوب ماجتش سيرته فالكواليس اللي بيعمله الشيطان شي مايخصكش لان رب المجد قال "لكن شعره من روؤسكم لاتهلك "(لو21: 18) يعني لو الشيطان مسك هيكون باذن من الله يعني الموضوع مايخصكش ربك متكفل بيه ده بالنسبه للغموض بالنسبه للالم من حقك تتالم واياك ترفض المك لان دي مشاعر طبيعيه الله خلقها جوانا وهو مش هيرفض اذا ناقشته او دخلت معاه في صراع من اجل المك وده متجسد في حياة داود ومزاميره